UBALOZI WA MAREKANI UMETENGA FEDHA SHILINGI MILIONI 500 KWA AJILI YA WAANDISHI WA HABARI TANZANIA

 Ubalozi wa Marekani Nchini Tanzania umesema katika kuhakikisha kuwa Tanzania inaendelea kukuza  Demokrasia na uhuru wa vyombo vya  habari Umetenga shilingi millioni 500 zitakazo wezesha vyombo vya habari na waandishi  wa habari nchini kufanya tafiti na kuandika Habari zinazoelimisha jamii

Hayo yamesemwa na Balozi wa Marekani Nchini Tanzania Michael Battle katika kongamano la kitaifa la Sheria za vyombo vya habari na uhuru wa kujieleza  lililoanda liwa na shirika la haki za binadamu THRDC juni 27,2024 jijini Dar es salaam

Aidha Battle Ameipongeza serikali ya Rais  Samia Suluhu kwa kuruhusu uhuru kwa vyombo vya habari na kwamba hata hivyo bado haitoshi kusema kwamba kuna  uhuru kamili na kwamba kunaulazima wa kiboresha hali ili kuondoa vitisho kwa waandishi wa habari ili wawe huru zaidi kufanya kazi yao.